Каникул о5о-аймах кэтэhэр уөруулээх кэмэ: уөрэх тумуктэнэн өрөбуллэр са5аланаллар. Биhиги оскуолабытыгар каникул сынньалаңнара о5о5о да, учууталга да туhалаахтык аастылар. Чөл оло5у тутуhар, доруобуйаны тупсарар сыаллаах буолбут кэккэ мероприятиелартан мунха ордук көхтөөхтук ааста. Муңха саха киһитин дьарыга, булда, эт-хаан, өй-санаа өттунэн о5ону иитэр суолтата улахан.  Оскуола улэhиттэрэ о5олордуун, нэhилиэнньэ дьонунуун Баай Байанай быйаңыттан өлгөмнүк бэриhиннэрдилэр.

 О5о а5атынаан, эhэтинээн, убайынаан, учууталынаан бииргэ бултууруттан дьолломмут сирэйин киhи үөрэ көрөр. Сөхпут-махтайбыт кыра булчут сэhэниттэн 3 кылаас үөрэнээччитэ, Афанасьев Миша, кэпсээн айбыт.  Аахпыт эрэ барыта муңха5а сылдьыбыт курдук ойуулаан көрөн астынар.

Мунха.

Мин убайым Алеша 4-с кылааска уөрэнэр. Биирдэ убайбар куулэйдии бардым, онно куулэ5э балык бө5ө сытарын көрөн сөхтум. Алеша мунха5а сылдьыбыт эбит. Кини сана сылдьыбыт уонна кэпсээтэ: «Оскуола таhыгар мунньустан массыынанан, тракторынан барбыппыт. Мунхалыыр сирбит «Ытымай алааhа» диэн этэ. Ытымайга бала5ан баар эбит, онно киирэн уот оттубуппут. Сынньана туhэн баран мунхабытын са5алаабыппыт. Куөл ортотунан анньыынан ойбон бө5ө тэһэ5ин. Мунханы ол ойбонунан симэ5ин. Биһиги, о5олор, ньырыылаабыппыт, ыһыы-хаһыы бө5ө буолбуппут. Онтон мунханы субуйан таһаараллар. Мунха кынатыгар а5ыйах со5ус, ийэтигэр элбэх да элбэх собо бө5ө киирбит этэ. Уллэстэн, уөрэн-көтөн дьиэбитигэр кэлбиппит». Алеша кэпсээбитин сө5ө-махтайа иһиттим. Мин биир-икки сылынан мунха5а сылдьыам диэн быһаарынным.